«Реал»нинг муҳим футболчиси «Барселона»га қарши баҳсни ўтказиб юбориши мумкин

Мадриднинг «Реал» клуби вингери Родриго Испания Суперкубоги финалида «Барселона»га қарши ўйинда майдонга туша олмаслиги мумкин, дея хабар бермоқда COPE.

Манбага кўра, бразилиялик футболчида сон орқа мушакларида муаммо юзага келган ва у оғриқ сезмоқда. Бугун, 10 январь куни Родриго тиббий кўрикдан ўтади ва унинг якунларига кўра футболчининг финал баҳсида иштирок этиши ёки этмаслиги аниқ бўлади.

Испания Суперкубоги финали «Барселона» ва «Реал» ўртасида 11 январь куни бўлиб ўтади. Учрашув Тошкент вақти билан 21:00 да бошланади.

Эслатиб ўтамиз, турнирнинг яримфинал босқичида «Реал» Мадрид дербисида «Атлетико»ни мағлуб этган бўлса, «Барселона» «Атлетик» клубидан устун келди.

Насрулло Каримов

Журналист