“Реал”нинг икки футболчиси “Хетафе”га қарши ўйинда жароҳат олди, улар “Барселона”га қарши финалда иштирок этмаслиги мумкин
Футбол
Бакрадзе Иман
Редактор
Расм: gettyimages.com Давид Алаба
Мадриднинг “Реал” жамоаси сафарда “Хетафе”га қарши майдонга тушиб, 1:0 ҳисобида ғалаба қозонди. Бироқ бу ғалаба жамоа учун осон кечмади.
Биринчи бўлимдан сўнг ҳимоячи Давид Алаба чап оёғидаги ноқулайлик туфайли майдонни тарк этди. Уни Эдуардо Камавинга алмаштирди. Франциялик яримҳимоячи деярли бутун ўйинни ўтказди, аммо қўшилган вақт бошида Луис Милянинг фоли ортидан у ҳам майдонни тарк этди. Бу икки футболчи тиббий кўрикдан ўтади. Текширувлардан сўнг уларнинг жамоа сафидан қанча муддатга четлашиши аниқ бўлади.
“Реал” Испания Кубоги финалида “Барселона”га қарши биринчи ўйинини ўтказади. Учрашув 26 апрелдан 27 апрелга ўтар кечаси, Тошкент вақти билан соат 01:00 да бўлиб ўтади.
