“Реал” Винисиусга ультиматум қўйди, “Арсенал” вазиятни кузатмоқда
Мадриднинг “Реал” клуби бразилиялик ҳужумчи Винисиус Жуниорга шартномани узайтириш бўйича қатъий талаб қўйди. MARCA хабарига кўра, футболчи клубнинг янги таклифини қабул қилиши керак, акс ҳолда ёзги трансфер ойнаси ёпилишигача трансферга қўйилиши мумкин.
Манбага кўра, “қироллик клуби” Винисиуснинг шартномаси якунланишига яқинлашиб қолишини истамаяпти. Шу сабаб раҳбарият футболчи билан музокараларни тезроқ якунлашни мақсад қилган. Агар томонлар келиша олмаса, “Реал” уни бепул йўқотиш хавфини олдини олиш учун сотишга тайёр.
Айни пайтда вазиятни Англиянинг “Арсенал” клуби диққат билан кузатмоқда. Лондонликлар Винисиуснинг ҳолатини назорат қилмоқда, бироқ ҳозирча “Реал”га расмий таклиф юбормаган.
Қайд этилишича, яқин кунларда Винисиус вакиллари ва “Реал” раҳбарияти ўртасида навбатдаги музокаралар бўлиб ўтади. Мазкур учрашув футболчининг келажагини ҳал қилувчи босқич бўлиши мумкин.
