«Реал» Винисиус бўйича «Арсенал» ҳақидаги хабарларга муносабат билдирди
Мадриднинг «Реал» клуби раҳбарияти сўнгги кунларда ОАВда тарқалган «Арсенал»нинг Винисиус Жуниорга қизиқиши ҳақидаги маълумотлардан бехабар эканини маълум қилди.
Шунингдек, бразилиялик ҳужумчининг агентлари ҳам Лондон клуби билан ҳеч қандай келишув мавжуд эмаслигини инкор этмоқда. Бу ҳақда AS нашри хабар берди.
Манбага кўра, «Қироллик клуби» раҳбарлари Винисиусдан 2027 йил ёзигача амал қиладиган шартномасини ҳақиқатдан ҳам узайтиришни истамаслиги ёки йўқлиги ҳақида аниқ жавоб кутмоқда. Агар футболчи янги битим имзолашни рад этса, «Реал» унинг трансфери бўйича келиб тушадиган таклифларни кўриб чиқишга тайёр.
Аввалроқ бир қатор ОАВларда Винисиус «Арсенал» билан шахсий шартнома шартларини келишиб олгани ҳақида хабарлар тарқалган эди.
Шунингдек, «канонирлар» бразилиялик юлдуз учун 135 миллион евро ҳамда яна 10 миллион еврогача бонус тўлашга тайёрлиги айтилган.
