«Реал» Венесуэладаги зилзила қурбонлари учун 2 млн евро ажратди
Мадриднинг “Реал” клуби ва унинг президенти Флорентино Перес Венесуэлада халқига ёрдам кўрсатиш учун 2 миллион евро хайрия қилади. Бу ҳақда “қироллик клуби” матбуот хизмати хабар берди.
Қайд этилишича, кучли зилзила оқибатида жабрланганга ёрдам кўрсатиш учун “Реал” клуби 1 миллион евро ажратади. Клуб президенти ушбу маблағни 2 миллион еврога оширишга қарор қилди.
“Реал Мадрид”да биз ушбу оғир кунларда Венесуэла халқига чуқур ҳамдардлигимизни, қўллаб-қувватлашимиз ва бирдамлигимизни билдирамиз”, — дейилади клубнинг расмий баёнотида.
Эслатиб ўтамиз, Венесуэлада 24 июнь куни содир бўлган икки кучли зилзила оқибатида ҳалок бўлганлар сони 1700 нафардан ошди. Шунингдек, 5034 киши турли жароҳат олгани тасдиқланган. Зилзила сабаб мамлакатда 15 866 киши бошпанасиз қолган.
