«Реал» ва «Барселона» «АЗ Алкмар» ярим ҳимоячисини нишонга олди — Моретто
«АЗ Алкмар»нинг ёш ярим ҳимоячиси Кес Смит Европа гранд клубларининг эътиборини тортмоқда.
Мадриднинг «Реал» жамоаси 19 ёшли футболчи учун асосий даъвогарлардан бири сифатида кўрилмоқда, бироқ унга «Барселона», «Челси», «Манчестер Сити» ва «Атлетико» каби бошқа топ-клублар ҳам қизиқиш билдирмоқда.
Инсайдер Маттео Моретто ижтимоий тармоқ Х орқали хабар беришича, «Қаймоқранглилар» скаутлари Кес Смит иштирок этган учрашувларни бир неча бор кузатишган ва унинг ўйинини синчиклаб ўрганишган.
Transfermarkt портали маълумотларига кўра, Кес Смитнинг баҳоси €22 миллионни ташкил этади. Футболчининг «АЗ Алкмар» билан шартномаси 2028 йилнинг ўрталаригача амал қилади. Жорий мавсумда нидерландиялик ярим ҳимоячи 26 та ўйинда қатнашиб, икки бор гол урди ва бешта ассист қайд этди.
