«Реал» ҳужумчиси «Арсенал»га ўтиши мумкин

“Реал” ҳужумчиси Гонсало Гарсия фаолиятини “Арсенал”да давом эттириши мумкин. Бу ҳақда Sportsboom нашри хабар берди.

Манбага кўра, “тўпчилар” ёзги трансфер вақтида Габриэл Жезусни сотиб юборади. Клуб унинг трансферидан 25 миллион евро ишлаб олишни мақсад қилган.

Инглиз гранди раҳбарияти бразилиялик футболчининг ўрнига “Реал”да доимий ўйин амалиётига эга бўлмаётган Гарсияни таклиф этиши мумкин. Гарсия учун “канонирлар” ягона даъвогар эмас. “Ньюкасл” ҳам Гонсалони ўз сафида кўришни истайди.

Футболчининг “қироллик клуби” билан шартномаси 2030 йилгача мўлжалланган. Жорий мавсумда 22 ёшли форвард «қаймоқранглилар» сафида 32 та ўйинда майдонга тушиб, 6 та гол ва 2 та голли узатмани амалга оширди.

Розикжон Султонмуродов

Журналист