«Реал» Рубен Невеш учун даъвогарга айланди
“Ал-Ҳилол” клуби футболчиси Рубен Невеш фаолиятини Испания Ла Лигасида давом эттириши мумкин.
Fichajes нашри хабарига кўра, ярим ҳимоячига “Реал Мадрид” жиддий қизиқиш билдирмоқда.
Португалиялик футболчининг “Ал-Ҳилол” ўртасидаги шартнома 2026 йилнинг ёзида якунига етади.
Ҳозирча битимни узайтириш борасида музокара олиб борилгани йўқ. Шу сабабли клуб январь ойида футболчини сотиб, унинг трансферидан фойда кўришни истамоқда.
Невеш учун “Манчестер Юнайтед” жиддий қизиқиш билиргани ҳақида хабарлар тарқалган эди. Ҳозирга келиб футболчи учун “Реал” ҳам даъвогарга айланган.
Рубен жорий мавсум “Ал-Ҳилол” сафида жами 15 та учрашувда майдонга тушиб, 5 та гол ҳамда 1 голли узатма муаллифига айланган. Transfermarkt портали футболчининг қийматини 25 миллион еврога баҳоламоқда.
