«Реал» мухлислари Переснинг истеъфосини талаб қилди
Мадридликлар Ла Лигада 2-ўринда бормоқда.
ФОТО: Getty images
Испаниянинг “Реал Мадрид” клуби мухлислари Ла Лиганинг 26-турида “Хетафе”га 0:1 ҳисобида мағлуб бўлинганидан сўнг клуб президенти Флорентино Переснинг истеъфосини талаб қилди. Бу ҳақда CadenaSER нашри хабар тарқатмоқда.
Манбага кўра, учрашув якунлангач, “Сантьяго Бернабеу” стадионидаги трибуналарида “Флорентино истеъфога чиқсин!”, деган шиорлар янграган.
Бу мағлубият “Реал Мадрид”нинг Ла Лигадаги кетма-кет иккинчи мағлубияти бўлди. Жамоа навбатдаги турда “Сельта”га қарши майдонга тушади. Шундан сўнг мадридликларни Чемпионлар лигасида “Манчестер Cити”га қарши баҳс кутмоқда.
Мазкур ўйиндан сўнг “Реал Мадрид” Испания чемпионати турнир жадвалида 60 очко билан иккинчи ўринда бормоқда.
Розикжон Султонмуродов
Журналист