«Реал» Моуриньо учун 6 млн евро тўлаши мумкин, аммо клубда яна тўртта номзод бор — Романо
“Бенфика” Жозе Моуриньони бош мураббий лавозимида сақлаб қолмоқчи, бироқ португалиялик мутахассис унга қизиқиш билдирётган Мадриднинг “Реал” клубини бошқаришни истамоқда. Шу билан бирга “қаймоқранглилар” яна тўрт нафар номи ошкор этилмаган мураббий номзодини кўриб чиқмоқда. Бу ҳақда журналист Фабрицио Романо ўзининг X ижтимоий тармоғидаги саҳифасида хабар берди.
Манбага кўра, “Қироллик клуби” шартнома муддатидан олдин бекор қилинган тақдирда “Бенфика”га 6 млн евро тўлаши керак бўлади, аммо кўрсатилган сумма май ойи охиригача амал қилади. 63 ёшли мутахассиснинг Лиссабон клуби билан меҳнат шартномаси 2027-йилнинг ёзига қадар мўлжалланган.
Португалиялик мутахассис 2010-йилдан 2013-йилгача “Реал”да ишлаган ва бу вақт ичида у учта совринни қўлга киритган. Мадрид клубидаги аввалги фаолияти давомида Моуриньо Ла Лига, Испания Кубоги ва Испания Суперкубогини ютган.
