“Реал” “Манчестер Юнайтед”нинг 15 ёшли иқтидорини қўлга киритишга яқин
“Манчестер Юнайтед” академиясининг 15 ёшли ҳужумчиси JJ Gabriel фаолиятини “Реал Мадрид”да давом эттириши мумкин. Ёш футболчи инглиз клубини тарк этиш истагини билдирган ва ҳозирда унинг трансфери учун курашда айнан мадридликлар олдинда экани айтилмоқда. Бу ҳақда The Touchline хабар бермоқда.
Манбага кўра, Габриэл “Манчестер Юнайтед”дан рўйхатдан чиқаришни сўраган ва 16 ёшга тўлгач, бошқа клубга ўтиш имкониятига эга бўлиши мумкин. Футболчига “Реал”дан ташқари “Барселона”, “ПСЖ”, “Бавария” ва Англиянинг бир қатор клублари ҳам қизиқиш билдирмоқда.
“Манчестер Юнайтед” эса иқтидорли футболчини клубда олиб қолишга уринмоқда. Габриэл жорий мавсум ёшлар жамоаси сафида 3 та учрашувда 5 та гол ва 2 та голли узатма қайд этган. У, шунингдек, УЕФА Ёшлар лигасидаги дебютида хет-трик муаллифи бўлган.
Маълумот учун, JJ Gabriel “Манчестер Юнайтед” академиясига 11 ёшида қўшилган. У ёшлар футболидаги ёрқин ўйинлари сабаб Англиянинг энг истиқболли футболчиларидан бири сифатида тилга олинмоқда. Ҳозирча унинг кейинги клуби бўйича якуний қарор қабул қилинмаган.
