«Реал» «Манчестер Сити»нинг икки нафар футболчисига қизиқиш билдирмоқда

Мадриднинг «Реал» клубига «Манчестер Сити» марказий ҳимоячиси Йошко Гвардиол номзоди таклиф этилди. Испания гранди айни дамда мудофаа чизиғини кучайтиришни ўзининг устувор вазифаси сифатида кўрмоқда. Бу ҳақда AS нашри хабар тарқатди.

Манбанинг маълум қилишича, ҳозирги вақтда хорватиялик футболчининг трансфери бўйича «қаймоқранглилар» ва «шаҳарликлар» ўртасида ҳеч қандай музокаралар олиб борилаётгани йўқ, бироқ унинг агентлари «Қироллик клуби»га ўтиш вариантини фаол ўрганишмоқда.

Шунингдек, «Реал»га «Манчестер Сити» ярим ҳимоячиси ва жамоа сардори Бернардо Силва номзоди ҳам таклиф қилинган. У ёзда жамоани эркин агент мақомида тарк этади. Таъкидланишича, португалиялик футболчи фаолиятини «Барселона»да давом эттириш вариантини рад этган.

Насрулло Каримов

Журналист