«Real Madrid» Валверде ва Тчуамени ўртасидаги муштлашув бўйича расмий баёнот тайёрламоқда
Қайд этилишича, вазиятга шахсан Флорентино Перес ҳам аралашган.
ФОТО: Getty Images
Мадриднинг «Реал» клуби бугунги машғулот вақтида яримҳимоячилар Федерико Валверде ва Аурелиан Тчуамени ўртасида юз берган муштлашув юзасидан расмий баёнот беришга ҳозирлик кўрмоқда. Бу ҳақда инсайдер Фабрицио Романо маълум қилди.
Манба берган хабарга кўра, «қироллик клуби» президенти Флорентино Перес вазиятга шахсан аралашган ва ҳар икки футболчи — Валверде ҳамда Тчуамени билан юзма-юз гаплашиб олган.
Таъкидланишича, «Реал» раҳбарияти ушбу тартиббузарлик содир этган футболчиларга нисбатан албатта интизомий чоралар кўради.
Аввалроқ ОАВда тарқалган хабарларда, кийиниш хонасидаги муштлашув натижасида уругвайлик футболчи Валверденинг боши ёрилгани ва жароҳат олгани айтилган эди.
Насрулло Каримов
Журналист