«Реал» «Ливерпуль»ни тарк этган Ибраима Конате билан шартнома имзолашга яқин турибди
Томонлар ўртасида 2031 йилгача шартнома имзоланиши кутилмоқда.
ФОТО: Getty Images
Мадриднинг «Реал» клуби «Ливерпуль»ни тарк этган марказий ҳимоячи Ибраима Конате билан шартнома имзолашга яқин келди. Бу ҳақда журналист Николо Скира хабар берди.
Манбанинг маълум қилишича, 27 ёшли футболчи 2031 йилгача мўлжалланган меҳнат шартномасини имзолайди. Конатенинг йиллик маоши 10 миллион еврони ташкил этади.
AS нашрининг таъкидлашича, франциялик футболчи билан шартнома «4+1» тизими (тўрт йилга, яна бир мавсумга узайтириш имконияти билан) бўйича тузилади.
31 май куни «Ливерпуль» Конате билан ҳамкорлик тўхтатилганини эълон қилган эди. Ҳимоячи мерсисайдликлар сафида 2021 йилнинг ёзидан буён тўп суриб келаётганди. Transfermarkt портали берган маълумотларга кўра, футболчининг бозор қиймати 50 миллион еврони ташкил қилади.
Насрулло Каримов
Журналист