«Реал» Камавингани сотиш учун нарх белгилади
"Қаймоқранглилар" футболчини сотишдан тахминан 100 миллион евро ишлаб олмоқчи.
ФОТО: Getty images
Эдуардо Камавинга Мадриднинг "Реал" клубини тарк этиши мумкин. Бу ҳақда Defensa Central нашри хабар берди.
Манбага кўра, "қироллик клуби" 23 ёшли ярим ҳимоячи бўйича таклифларни кўриб чиқишга тайёр.
"Қаймоқранглилар" футболчини сотишдан тахминан 100 миллион евро ишлаб олмоқчи. "Реал" франциялик футболчининг трансферидан тушадиган маблағни жамоанинг ўрта чизиғига янги футболчилар сотиб олишга сарфлайди.
Франциялик ярим ҳимоячи жорий мавсум "Реал" сафида 15 та ўйинда иштирок этди. Камавинга иккита гол ва битта голли узатма муаллифига айланди.
Розикжон Султонмуродов
Журналист