«Реал» Гвардиолга қизиқмоқда
"Манчестер Сити" ҳимоячиси Йошко Гвардиол фаолиятини Испанияда давом эттириши мумкин.
Sportske Novosti маълумотларига кўра, хорватиялик футболчини ўз сафига қўшиб олишга “Реал” қизиқиш билдирмоқда.
Мадрид клуби футболчини шу ёзда трансфер қилиш вариантини кўриб чиқмоқда. Йошко Гвардиол шу йилнинг январ ойида бўлиб ўтган “Челси”га қарши (1:1) ўйинда ўнг оёғининг катта болдир суяги синиши жароҳатини олган эди.
Хорватиялик футболчи операция қилинди. Яқиндагина футболчи индивидуал дастур бўйича машғулотларга қайтди. Гвардиол 2023-йилда “РБ Лейпциг”дан “Манчестер Сити”га 90 миллион евро эвазига ўтган.
Унинг шартномаси 2028-йилнинг 30-июнига қадар мўлжалланган. Жорий мавсумда хорватиялик “шахарликлар” сафида барча турнирларда 23 та ўйин ўтказиб, иккита гол урди ва бешта голли узатмани амалга оширди.
