«Реал» Энцо Фернандес билан келишувга эришди
Мадриднинг «Реал» клуби «Челси» ва Аргентина терма жамоаси ярим ҳимоячиси Энцо Фернандес билан шахсий шартнома бўйича келишувга эришди. Бу ҳақда таниқли журналист ва инсайдер Николо Скира хабар бермоқда.
Манбага кўра, томонлар 2032 йилгача мўлжалланган шартнома шартлари бўйича принципиал келишувга келиб олишган. Фернандеснинг ўзи ҳам Лондон клубини тарк этиб, «Қироллик клуби» сафига ўтишга қизиқиш билдираётгани маълум. Яна бир инсайдер Маттео Моретто ҳам аргентиналик футболчи «Реал»нинг ёзги трансфер ойнасдаги асосий мақсади эканлигини тасдиқлади.
«Челси» ўз етакчиси учун 138 миллион евро талаб қилаётгани айтилмоқда. Таъкидлаш жоизки, ўтган мавсумда Фернандес барча мусобақаларда 54 та ўйинда майдонга тушиб, 15 та гол ва 7 та голли узатмага муаллифлик қилган. Transfermarkt портали футболчини 90 миллион еврога баҳоламоқда.
