«Реал» дарвозабони Андрей Лунин жароҳат сабаб «Леванте»га қарши ўйинни ўтказиб юборади
Мадриднинг «Реал» клуби дарвозабони Андрей Лунин Испания Кубоги 1/8 финалида «Албасете»га қарши ўйиндан (2:3) сўнг болдир мушагида нохуш оғриқларни ҳис қилди. Бу ҳақда The Athletic журнали мухбири Марио Кортехана хабар берди.
Шу сабабли украиналик посбон «Леванте»га қарши яқинлашиб келаётган учрашув учун қайдномага киритилмади. Дастлабки тиббий хулосаларга кўра, Лунин тахминан бир ҳафтага сафдан чиқиши мумкин эди. Бироқ клуб тикланиш жараёнини тезлаштиришга умид қилмоқда, шунда у 20 январь куни Мадридда бўлиб ўтадиган Чемпионлар Лигаси доирасидаги «Монако»га қарши ўйинда майдонга тушиши мумкин.
Шунингдек, «Леванте» билан баҳсда мураббийлар штаби Ферлан Менди, Эдер Милитао, Трент Александр-Арнольд, Антонио Рюдигер, Браим Диас ва Родриго хизматида ҳам фойдалана олмайди — уларнинг барчаси қайдномадан ўрин олмаган.
Эслатиб ўтамиз, 2026 йил 14 январда бўлиб ўтган «Албасете»га қарши учрашув Лунин учун 17 декабрь 2025 йилдан буён «Реал» сафидаги илк расмий ўйин бўлган эди.
Жорий мавсумда Андрей Лунин «Реал» таркибида барча мусобақаларда 3 та учрашув ўтказган.
