«Реал» «Челси» ва «Арсенал»га Эндрикнинг келажаги борасидаги ўз позициясини маълум қилди — TEAMtalk
"Челси" ва "Арсенал" қишдан буён ижара асосида "Лион"да ўйнаётган Мадриднинг "Реал" клуби ҳужумчиси Эндрикка қизиқиш билдирмоқда. Бироқ "қаймоқранглилар" Лондон клубларига 19 ёшли форвардни сотиш вариантни кўриб чиқмаётганликларини маълум қилди. Бу ҳақда TEAMtalk хабар бермоқда.
Манбага кўра, "Реал" келаси мавсум учун жамоа режаларига киритилган Эндрикнинг қайтишига умид қилмоқда. Таъкидланишича, форварднинг ўзи "Мадрид жамоаси таркибидаги ўрин учун қолиш ва курашишга қатъий қарор қилган". "Қироллик клуби" президенти Флорентино Перес ҳамон жаҳон футболидаги энг яхши ёш футболчи билан шартнома имзолаганидан ишончи комил.
Эндрик "Лион" таркибида барча мусобақалардаги 18 та ўйинда 7 та гол урди. Ҳужумчининг Мадрид клуби билан амалдаги шартномаси 2030-йилнинг ёзига қадар мўлжалланган. Transfermarkt порталида тақдим этилган маълумотларга кўра, футболчининг бозор қиймати 35 миллион еврога тенг.
