«Реал» Арбелоани истеъфога чиқаришни кўриб чиқмоқда — манба
Мадриднинг «Реал» клуби раҳбарияти бош мураббий Альваро Арбелоанинг яқин орада истеъфога чиқарилиши эҳтимоли борасида иккиланиб ўтиргани йўқ. Агар мутахассис жамоага мос келмайди, деган хулосага келинса, клуб кескин қарор қабул қилишга тайёр.
Шу билан бирга, Испания Кубогидаги аламли мағлубиятга қарамай, клуб ичида Арбелоа камида яна бир учрашувда ўзини кўрсатиш имкониятига лойиқ, деган фикр устунлик қилмоқда. Бу ҳақда The Touchline нашри X ижтимоий тармоғида хабар берди.
Арбелоа бошқарувидаги илк ўйинда «Реал» кутилмаганда Испания Кубоги 1/8 финалида «Альбасете»га 2:3 ҳисобида мағлуб бўлиб, мусобақани тарк этди.
Эслатиб ўтамиз, Альваро Арбелоа ушбу лавозимда ўз ватандоши Хаби Алонcони алмаштирган эди. «Реал» кейинги учрашувини Ла Лига доирасида «Леванте»га қарши ўтказади. Мазкур баҳс 17 январь куни бўлиб ўтади.
