Раян Гарсия: «Роналдуга ҳурмат кўрсатинг»
ЖЧ-2026 гуруҳ босқичи 2-тури доирасида Португалия терма жамоаси Ўзбекистон миллий терма жамоасини 5:0 ҳисобида мағлуб этди. Учрашувда Криштиану Роналду дубл қайд этиб, жамоасининг йирик ғалабасига муҳим ҳисса қўшди.
Баҳсдан сўнг америкалик боксчи Раян Гарсия Роналдунинг ўйинига ижтимоий тармоқдаги саҳифаси орқали муносабат билдирди. У португалиялик футболчининг натижасини юқори баҳолаб, унинг номига муносиб эътироф бериш кераклигини таъкидлади.
“Унинг номига муносиб ҳурмат кўрсатинг”, — деб ёзди Гарсия.
Эслатиб ўтамиз, Роналду Ўзбекистонга қарши баҳсда 6 ва 39-дақиқаларда рақиб дарвозасини ишғол қилди. Португалия эса ушбу ғалабадан сўнг 4 очко билан K гуруҳида пешқадамлик қилмоқда.
Роналду мундиалдаги навбатдаги тарихий ўйинини ўтказди ва яна бир бор катта саҳнада эътибор марказида бўлди.
