Рауль Асенсио муваффақиятли операция қилинди
Футболчининг ўнг болдир суяги синган эди.
Фото: Getty Images
«Реал» ҳимоячи Рауль Асенсионинг муваффақиятли операцияни бошдан ўтказгани ҳақида маълумот берди.
23 ёшли футболчи ўнг болдир суягининг стресс синиши сабаб жарроҳлик амалиётини бошдан кечирди.
Яқин кунларда Асенсио тикланиш жараёнини бошлайди. Аввалроқ матбуотда Рауль сафга тез орада қайта олмаслиги, унинг тикланиши учун икки ойдан тўрт ойгача вақт талаб қилиниши ҳақида хабарлар тарқалган эди.
2026/2027 йилги мавсумда Рауль Асенсио ҳали майдонга тушгани йўқ.
Айни пайтда «Реал» Испания чемпионати турнир жадвалида тўртинчи ўринни эгаллаб турибди. «Қироллик клуби» пешқадам «Барселона»дан 6 очко ортда қолмоқда.
