Раул Асенсио «Бешиктош» назарига тушди — Fanatik
Мадриднинг «Реал» клуби марказий ҳимоячиси Раул Асенсио ёзги трансфер ойнасида жамоани тарк этиши мумкин. Туркиянинг «Бешиктош» клуби испаниялик футболчини ўз сафига қўшиб олишга қизиқиш билдирмоқда ва унинг трансфери учун 20 миллион евро таклиф қилишга тайёр. Бу ҳақда Fanatik нашри хабар бермоқда.
Манба берган маълумотга кўра, «Реал» келажакда ушбу футболчининг хизматларига таянишни режалаштирмаяпти ва келиб тушадиган таклифларни кўриб чиқишга тайёр. Аввалроқ Асенсионинг мадридликлар билан шартномаси 2031 йилгача узайтирилгани ҳақида хабарлар тарқалган эди.
Жорий мавсумда ҳимоячи Мадрид клуби сафида барча турнирларда 31 та ўйинда иштирок этиб, 2 та гол ва битта самарали узатма муаллифлигига эришди. Transfermarkt портали маълумотларига кўра, Асенсионинг бозор қиймати 25 миллион еврога тенг.
