Расмий: “Рома” Мартен де Ронни 1 миллион еврога сотиб олди

“Рома” “Аталанта” ярим ҳимоячиси Мартен де Ронни ўз сафига қўшди. Рим клуби 35 ёшли нидерландиялик футболчининг трансферини расман эълон қилди.

Трансфер суммаси 1 миллион еврога тенг бўлди. Де Рон “Рома” билан 2028 йилнинг июнигача мўлжалланган икки йиллик шартнома имзолади ва янги жамоасида 15-рақам остида тўп суради.

Тажрибали ярим ҳимоячи “Аталанта” сафида жами 445 та учрашув ўтказиб, 23 та гол урган. Шунингдек, у Нидерландия терма жамоаси таркибида 44 та ўйинда майдонга тушган.

Маълумот учун, де Рон “Рома”да яна Жан Пьеро Гасперини қўл остида ишлайди. Улар аввал “Аталанта”да узоқ йиллар бирга фаолият олиб борган.

Насрулло Каримов

Журналист

0 0 0 0 0 0