Расман: «Ювентус» Игор Тудорни истеъфога чиқарди
Клубни вақтинча Массимо Брамбилла бошқаради.
ФОТО: Getty Images
Туриннинг «Ювентус» клуби расмий сайтида бош мураббий Игор Тудор билан шартномани бекор қилганини эълон қилди. Клубни вақтинча Массимо Брамбилла бошқаради.
Маълум бўлишича, Тудор билан бирга унинг бутун мураббийлар штаби ҳам истеъфога чиқарилган.
Эслатиб ўтамиз, 47 ёшли хорватиялик мутахассис 2025 йилнинг 23 март санасида «Ювентус» бошқарувига келганди. 13 июнда эса туринликлар Тудор билан шартномани 2027 йилнинг ёзига қадар узайтирганди.
Маълумот учун, «Ювентус» айни дамда А Серия турнир жадвалида 12 очко билан 8-ўринда бормоқда. Турин клуби ўзининг навбатдаги ўйинини «Удинезе»га қарши ўтказади.
Насрулло Каримов
Журналист
