Расман: «Union Berlin»га янги бош мураббий тайинланди
Берлиннинг «Union» клуби Мари-Луизе Эта ўрнига жамоага келган янги бош мураббий номини расман эълон қилди. Жамоа бошқаруви Мауро Лустринеллига топширилди. Ушбу мутахассис муқаддам Швейцариянинг турли ёшдаги ёшлар терма жамоаларини ҳамда «Тун» клубини бошқарган.
«Мен «Union Berlin»да мени кутяпган янги чорловни интизорлик билан кутяпман. Бу аниқ қадриятларга ва самимий инсонларга эга бўлган ўзгача клубдир. Мен раҳбарият, ходимлар, мухлислар ва албатта, жамоа билан биргаликда янги йўлни бошлаш учун катта мотивация ва ҳаяжондаман. Бирдамлик, иштиёқ, ҳалол меҳнат ва жасорат эвазига биз биргаликда муваффақиятга эриша оламиз», — дея Лустринеллининг сўзларини келтирмоқда «Union» расмий сайти.
Маълумот учун, Мари-Луизе Эта мавсумнинг иккинчи ярмида берлинликлар жамоасини вақтинча бошқариб турган эди. Унинг қўл остида «Union» икки бор ғалаба қозонди, бир марта дуранг ўйнади ва икки бор мағлубиятга учради. Жамоа Бундеслига турнир жадвалида 39 очко жамғарган ҳолда, мавсумни 11-ўринда якунлади.
