Расман: “Торино” “Верона” ҳимоячисини трансфер қилди

“Торино” “Верона” ҳимоячиси Рафик Белгалини ўз сафига қўшиб олганини расман эълон қилди. Жазоир терма жамоасининг 24 ёшли футболчиси Турин клубига доимий трансфер асосида ўтди.

ОАВ маълумотларига кўра, трансфер қиймати тахминан 7 миллион еврони ташкил қилган. “Верона” футболчининг кейинги трансферидан ҳам маълум улуш олиши кўзда тутилган.

Белгали 2025/26-йилги мавсумда “Верона” сафида А Серияда дебют қилди ва клуб учун 26 та учрашувда 2 та гол урди. Бунгача у Бельгия чемпионатида “Ломмел” ва “Мехелен” клубларида тўп сурган.

Маълумот учун, Белгали Жазоир терма жамоаси сафида 17 та учрашув ўтказиб, 2 та гол урган. У 2026-йилги Жаҳон чемпионатида терма жамоасининг барча тўртта ўйинида майдонга тушган ва Австрияга қарши баҳсда гол киритган.

Насрулло Каримов

Журналист

0 0 0 0 0 0