Расман: Тома Мёнье «Сандерленд» футболчисига айланди
Англиянинг «Сандерленд» клуби бельгиялик ҳимоячи Тома Мёнье билан шартнома имзолаганини расман эълон қилди.
34 ёшли ўнг қанот ҳимоячиси Франциянинг «Лилль» клуби билан шартномаси якунланганидан сўнг эркин агент сифатида жамоага қўшилди. Томонлар икки йиллик шартнома имзолашди. Янги клубида Мёнье 12-рақам остида тўп суради.
Тажрибали футболчи 2026 йилги жаҳон чемпионатида Бельгия терма жамоаси сафида ҳам иштирок этган. У фаолияти давомида клублар миқёсида 550 дан ортиқ учрашувда майдонга тушган, миллий жамоа либосида эса 83 та ўйин ўтказган.
Тома Мёнье фаолияти давомида «Брюгге», «ПСЖ», Дортмунднинг «Боруссия», «Трабзонспор» ва «Лилль» клублари шарафини ҳимоя қилган.
Хабар қилинишича, бельгиялик ҳимоячи янги жамоаси йиғинига август ойи бошида қўшилади.
