Rasman: Toma Myonye «Sanderlend» futbolchisiga aylandi
Angliyaning «Sanderlend» klubi belgiya himoyachisi Toma Myonye bilan shartnoma imzolaganini rasmiy tarzda e'lon qildi.
34 yoshli o'ng qanot himoyachisi Fransiyaning «Lill» klubi bilan shartnomasi yakunlangach, erkin agent sifatida jamoaga qo'shildi. Tomonlar ikki yillik shartnomaga imzo chekishdi. Yangi klubida Myonye 12-raqam ostida harakat qiladi.
Tajribali futbolchi 2026 yilgi jahon chempionatida Belgiya terma jamoasi safida ham ishtirok etgan. U faoliyati davomida klublar miqyosida 550 dan ortiq uchrashuvda maydonga tushgan, milliy jamoa safida esa 83 ta o'yinda qatnashgan.
Toma Myonye faoliyati davomida «Bryugge», «PSJ», Dortmundning «Borussiya», «Trabzonspor» va «Lill» klublari sharafini himoya qilgan.
Xabar qilinishicha, belgiya himoyachisi yangi jamoasi yig‘iniga avgust oyining boshida qo‘shiladi.
