Расман: тен Хаг «Твенте»нинг янги техник директори этиб тайинланди
Томонлар ўртасида икки мавсумга мўлжалланган шартнома имзоланди.
ФОТО: Getty Images
Аввалроқ «Манчестер Юнайтед» ва «Байер» жамоаларини бошқарган Эрик тен Хаг Нидерландиянинг «Твенте» клуби янги техник директори этиб тайинланди. Бу ҳақда клубнинг расмий сайти хабар берди. У ишни 2026 йил 1 февралдан бошлайди.
Тен Хаг билан тузилган шартнома икки мавсумга, яъни 2028 йил ёзигача мўлжалланган. У лавозимга келиб, ҳозирги техник директор Ян Штройерни алмаштиради. Штройер мавсум охирида спорт фаолиятини якунлашини эълон қилган эди.
Қизиқарли томони, Эрик тен Хаг «Твенте»да футболчи сифатида фаолиятини бошлаган, 2002 йилда эса айнан шу клубнинг 17 ёшгача бўлган жамоасида бош мураббий сифатида дебют қилган.
Насрулло Каримов
Журналист