Rasman: Ten Hag «Tvente»ning yangi texnik direktori etib tayinlandi
Tomonlar oʻrtasida ikki mavsumga moʻljallangan shartnoma imzolandi.
FOTO: Getty Images
Avvalroq «Manchester Yunayted» va «Bayer» jamoalarini boshqargan Erik ten Hag Niderlandiyaning «Tvente» klubi yangi texnik direktori etib tayinlandi. Bu haqda klubning rasmiy sayti xabar berdi. U ishni 1 fevral 2026 yildan boshlaydi.
Ten Hag bilan tuzilgan shartnoma ikki mavsumga, ya’ni 2028 yil yozigacha mo‘ljallangan. U lavozimga kelib, hozirgi texnik direktor Yan Shtroyerni almashtiradi. Shtroyer mavsum oxirida sport faoliyatini yakunlashini e’lon qilgan edi.
Qiziqarli tomoni, Erik ten Hag «Tvente»da futbolchi sifatida faoliyatini boshlagan, 2002 yilda esa aynan shu klubning 17 yoshgacha bo‘lgan jamoasida bosh murabbiy sifatida debyut qilgan.
Nasrullo Karimov
Jurnalist