Расман: Стефан Ортега «Манчестер Сити»ни тарк этди
Германиялик посбон фаолиятини «Ноттингем Форест»да давом эттиради.
ФОТО: Getty Images
«Манчестер Сити» дарвозабони Стефан Ортега фаолиятини бошқа клубда давом эттирадиган бўлди. «Шаҳарликлар» матбуот хизмати германиялик посбоннинг «Ноттингем Форест» сафига ўтганини эълон қилди.
«Сенга барча эзгу тилакларни тилаймиз, Стефан», — дейилади манчестерликлар клуби баёнотида.
Маълумот учун, Ортега «Манчестер Сити» сафига 2022 йилнинг ёзида келиб қўшилган эди. Жорий мавсумда у жамоа таркибида бирор марта майдонга тушишга улгурмади.
Дарвозабоннинг амалдаги шартномаси 2026 йилнинг ёзига қадар мўлжалланган эди. Transfermarkt портали 31 ёшли футболчининг бозор қийматини 5 миллион евроға баҳолаган.
