Rasman: Stefan Ortega «Manchester Siti»ni tark etdi
Germaniyalik posbon faoliyatini «Nottingem Forest»da davom ettiradi.
FOTO: Getty Images
«Manchester Siti» darvozaboni Stefan Ortega faoliyatini boshqa klubda davom ettiradigan bo‘ldi. «Shaharliklar» matbuot xizmati germaniyalik posbonning «Nottingem Forest» safiga o‘tganini e’lon qildi.
«Senga barcha ezgu tilaklarni tilaymiz, Stefan», — deyiladi manchesterliklar klubi bayonotida.
Ma’lumot uchun, Ortega «Manchester Siti» safiga 2022 yilning yozida kelib qo‘shilgan edi. Joriy mavsumda u jamoa tarkibida biror marta maydonga tushishga ulgurmadi.
Darvozabonning amaldagi shartnomasi 2026 yilning yoziga qadar mo‘ljallangan edi. Transfermarkt portali 31 yoshli futbolchining bozor qiymatini 5 million yevroga baholagan.
