Расман! ССКАга янги бош мураббий тайинланди
ФОТО: pfc-cska.com
Москвадаги ССКА клуби Фабио Селестини жамоанинг янги бош мураббийи этиб тайинланганини эълон қилди. Швейцариялик мутахассис яна бир мавсумга узайтириш имконияти билан икки йиллик шартнома имзолади.
Таъкидланишича, "армиючилар" янги мавсумга тайёргарликни Селестини бошчилигида 22-июн куни Нововорскдаги базага бошлайди.
"Хуш келибсиз, Фабио!", - дейилади ССКА телеграм каналидан.
Маълумот учун, 49 ёшли Фабио Селестинининг сўнгги жамоаси Швейцариянинг "Базел" клуби эди. Мутахассис ушбу жамоа билан ўтган мавсум Швейцария чемпиони ва мамлакат кубоги соҳиби бўлди.
Насрулло Каримов
Журналист