Расман. Спалетти Италия терма жамоасини тарк этади
У Молдовага қарши сўнгги ўйинини ўтказади
Фото: Getty Images
Италия терма жамоаси бош мураббийи Лучано Спалетти Молдовага қарши ўйиндан сўнг истеъфога чиқади.
66 ёшли мутахассис Италия футбол федерацияси президенти Габриэле Гравина билан гаплашганини айтди.
“Кеча биз гаплашдик ва у менга терма жамоа бош мураббийлигидан озод этилишимни айтди. Жуда афсусдаман, лекин таслим бўлмайман. Мен қолишни ва ишимни бажаришни афзал кўраман. Бироқ бу ишдан озод этилдим ва буни қабул қилишим керак. Мен ҳар доим ўз ватанимга хизмат қилганман”, - деди Спалетти.
Эслатиб ўтамиз, Италия ЖЧ-2026 саралашида Норвегияга (0:3) йирик ҳисобда мағлуб бўлди. 8 июнь куни Молдовага қарши навбатдаги баҳсда майдонга тушади.
Розикжон Султонмуродов
Журналист