Расман. Сон Ҳён Мин — «Лос Анжелес» футболчиси
Фото: Getty Images
Жанубий кореялик ҳужумчи Сон Ҳён Мин фаолиятини АҚШнинг “Лос-Анжелес” жамоасида давом эттиради. Клуб футболчи билан шартнома имзолаганини расман эълон қилди.
Сон Ҳён Миннинг Англиянинг “Тоттенҳэм” клубидан MLSга ўтиши Америка футболи тарихидаги энг қиммат трансферга айланди. Маълумотларга кўра, “шпорлар” ҳужумчини 25 миллион доллар эвазига трансфер қилган. Бу сумма MLS клублари томонидан футболчи учун тўланган энг катта маблағ ҳисобланади.
Сон 2015 йилдан бери “Тоттенҳэм” шарафини ҳимоя қилиб келаётган эди. У 10 йил давомида Лондон клуби таркибида жами 454 та ўйинда майдонга тушиб, ўз ҳисобига 173 та гол ва 101 та голли узатма ёздириб қўйган.
Баҳром Бобонов
Редактор