Расман: Славен Билич Хорватия терма жамоаси бош мураббийи этиб тайинланди
57 ёшли мутахассис ушбу лавозимда ЖЧ-2026 мусобақаси якунланганидан сўнг истеъфога чиққан Златко Даличнинг ўрнини эгаллади.
Фото: Getty Images
Хорватия футбол федерацияси Славен Билични мамлакат миллий терма жамоаси бош мураббийи этиб тайинланганини расман эълон қилди.
57 ёшли мутахассис ушбу лавозимда ЖЧ-2026 мусобақаси якунланганидан сўнг истеъфога чиққан Златко Даличнинг ўрнини эгаллади.
Славен Билич учун бу Хорватия терма жамоасидаги иккинчи фаолият даври бўлади. У аввал 2006–2012 йиллар оралиғида миллий жамоани бошқарган. Мураббийлик фаолияти давомида, шунингдек, Англиянинг "Вест Хэм", "Вест Бромвич", "Уотфорд" ҳамда Саудия Арабистонининг "Ал-Фатех" клубларида ишлаган.
Билич олдига Хорватияни УЕФА Евро–2028 мусобақасига муваффақиятли олиб чиқиш ҳамда 2030 йилги Жаҳон чемпионатига тайёрлаш вазифаси қўйилган.
Насрулло Каримов
Журналист