Расман: Скотт Карсон футболчи фаолиятини якунлади
Англиялик дарвозабон фаолияти давомида «Ман Сити» ва «Ливерпуль» каби жамоалар шарафини ҳимоя қилган.
ФОТО: Getty Images
Англия миллий жамоаси ва «Манчестер Сити»нинг собиқ дарвозабони Скотт Карсон профессионал футболчилик фаолиятини якунлади. Бу ҳақда унинг ўзи ижтимоий тармоқлар орқали маълум қилди.
Карсон футболчи сифатида «Лидс Юнайтед» академияси тарбияланувчиси ҳисобланади. У фаолияти давомида «Ливерпуль», «Шеффилд Уэнсдей», «Чарльтон Атлетик», «Астон Вилла», «Вест Бромвич», «Бурсаспор», «Уиган», «Дерби Каунти» ва «Манчестер Сити» жамоалари шарафини ҳимоя қилган.
«Ливерпуль» билан бирга Скотт Карсон Чемпионлар лигаси ва УЕФА Суперкубоги ғолиби чиққан. Кейинчалик «Манчестер Сити» сафида ҳам ЁЧЛда зафар қучди, шунингдек, Англия Суперкубоги, УЕФА Суперкубоги ва КЖЧ ғолиблигига эришди.
Насрулло Каримов
Журналист
