Расман: Шон Стрикленднинг навбатдаги жанги тасдиқланди
Америкалик жангчи февраль ойида яна октагонга қайтади.
ФОТО: Getty Images
UFC’нинг ўрта вазн (84 кг) тоифасида собиқ чемпион бўлган америкалик Шон Стрикленд 21 февраль куни UFC Хьюстон турнирида ҳамюрти Энтони Эрнандесга қарши октагонга кўтарилади. Бу ҳақда промоушеннинг расмий саҳифалари хабар берди.
Стрикленд охирги жанги ни февраль ойида бўлиб ўтган UFC 312 турнирида ўтказган ва унда жанубий африкалик Дрикус дю Плессига қарши реванш баҳсида ҳакамлар бир овоздан чиқарилган қарори билан мағлуб бўлган эди.
Эрнандес эса август ойидаги UFC on ESPN 72 мусобақасида грузиялик Роман Долидзени бўғиш усули билан таслим этган.
Аввалроқ Стрикленд интервьюсида 31 январь куни Австралиянинг Сидней шаҳрида ўтадиган UFC 325 турнирида Эрнандесга қарши жанг қилиш таклифидан воз кечганини айтганди.
Насрулло Каримов
Журналист