Расман: Шон О'Меллининг навбатдаги рақиби ва жанг санаси маълум бўлди
31 ёшли жангчи собиқ UFC чемпиони ҳисобланади.
ФОТО: Getty Images
UFC расмий равишда енгил вазн тоифасидаги жангни эълон қилди. Унда рейтингда иккинчи ўринда турган америкалик Шон О'Мелли ва бешинчи поғонадаги хитойлик жангчи Сонг Ядонг октагонга кўтарилади.
О'Мелли — Сонг Ядонг жанги 24 январь куни Лас-Вегасда (АҚШ, Невада штати) бўлиб ўтадиган UFC 324 турнири доирасида ташкил этилади.
31 ёшли О'Мелли енгил вазн тоифасининг собиқ чемпиони ҳисобланади. У чемпионлик камарини 2024 йил сентябрида грузиялик Мераб Двалишвили билан бўлган учрашувда (ҳақамлар қарори билан) бой берган. 2025 йил июнидаги реванш жангида ҳам Шон Мерабга ютқазган — бу сафар у бўғиш усулига тушиб қолган.
27 ёшли Сонг Ядонг MMA’да 32 та жанг ўтказган: 22 ғалаба, 8 мағлубият, 1 дуранг ва 1 та бекор қилинган натижа қайд этган.
Насрулло Каримов
Журналист