Расман: «Шалке-04» уч йиллик танаффусдан сўнг яна Бундеслигага қайтди
Гельзенкирхендаги «AufShalke» стадионида Иккинчи Бундеслиганинг 32-туридан ўрин олган «Шалке» ва «Фортуна Дюссельдорф» жамоалари ўртасидаги учрашув якунланди. Гамбурглик ҳакам Патрик Иттрих бошқариб борган ушбу баҳсда «кончилар» 1:0 ҳисобида ғалаба қозонишди.
Ўйиндаги ягона гол 15-дақиқада Кенан Караман томонидан киритилди.
Ушбу ғалабадан сўнг «Шалке» ўз очколарини 67 тага етказиб, Иккинчи Бундеслига турнир жадвалида якка пешқадамлик қилмоқда ва муддатидан олдин Бундеслигага йўлланмани қўлга киритди. Ҳозирда 58 очко билан иккинчи ўринда бораётган «Падерборн» жамоасининг захирасида бир ўйин мавжуд бўлса-да, улар очколар бўйича «Шалке»га ета олмайди.
Мабодо очколар тенг келиб қолган тақдирда ҳам, жорий мавсумдаги ўзаро учрашувларнинг иккаласида ҳам ғалаба қозонгани сабабли устунлик Гельзенкирхенликлар томонида бўлади. «Фортуна» эса 34 очко билан 15-ўринни эгаллаб турибди.
