Расман: «Севилья» Матиас Алмейдани истеъфога чиқарди
«Севилья» клуби Матиас Алмейданинг бош мураббийлик лавозимидан озод этилганини расман эълон қилди. 52 ёшли аргентиналик мутахассис ва унинг ёрдамчилари эгаллаб турган вазифаларидан четлатилди.
Алмейда жамоани ўтган ёзда қабул қилиб олган эди. Унинг қўл остида «Севилья» жами 32 та ўйин ўтказиб, 10 та ғалаба, 7 та дуранг ва 15 та мағлубият қайд этди. Тўплар нисбати эса 43:52 кўринишини олди.
Айни дамда клуб 31 очко билан Ла Лига турнир жадвалида 15-ўринни эгаллаб турибди. Хавфли ҳудуд (тушиб кетиш зонаси) билан орадаги фарқ бор-йўғи уч очкони ташкил этмоқда.
Жамоа сўнгги икки учрашувда «Барселона» (2:5) ва «Валенсия»дан (0:2) мағлубиятга учради. Таъкидлаш жоизки, чемпионатнинг биринчи даврасида «Севилья» «Барселона» устидан 4:1 ҳисобига ғалаба қозонишга муваффақ бўлган эди.
