Rasman: «Sevilya» Matias Almeydani isteʼfoga chiqardi
«Sevilya» klubi Matias Almeydaning bosh murabbiylik lavozimidan ozod etilganini rasman e’lon qildi. 52 yoshli argentinalik mutaxassis va uning yordamchilari egallab turgan vazifalaridan chetlatildi.
Almeyda jamoani o‘tgan yozda qabul qilib olgan edi. Uning qo‘l ostida «Sevilya» jami 32 ta o‘yin o‘tkazib, 10 ta g‘alaba, 7 ta durang va 15 ta mag‘lubiyat qayd etdi. To‘plar nisbati esa 43:52 ko‘rinishini oldi.
Ayni damda klub 31 ochko bilan La Liga turnir jadvalida 15-o‘rinni egallab turibdi. Xavfli hudud (tushib ketish zonasi) bilan oradagi farq bor-yo‘g‘i uch ochkoni tashkil etmoqda.
Jamoa so‘nggi ikki uchrashuvda «Barselona» (2:5) va «Valensiya»dan (0:2) mag‘lubiyatga uchradi. Ta’kidlash joizki, chempionatning birinchi davrasida «Sevilya» «Barselona» ustidan 4:1 hisobida g‘alaba qozonishga muvaffaq bo‘lgan edi.
