Расман: Серхио Регилон — «Интер Майами» футболчиси
Томонлар ўртасида 2027 йилнинг охирига қадар мўлжалланган шартнома имзоланди.
ФОТО: Getty Images
Собиқ «Тоттенхэм» ҳимоячиси Серхио Регилон эркин агент сифатида MLS вакили «Интер Майами» сафига қўшилди. Бу ҳақда лига расмий сайти хабар берди.
Футболчининг Флорида клуби билан тузган шартномаси 2027 йил декабрига қадар мўлжалланган бўлиб, келишув яна бир йилга узайтириш опциасини ҳам ўз ичига олади. Регилон фаолиятини якунлаган Жорди Албанинг ўрнини эгаллайди.
Серхио Регилон «Реал» академияси тарбияланувчиси ҳисобланади ва профессионал фаолиятини ҳам «қироллик клуби» сафида бошлаган. Шунингдек, у фаолияти давомида «Севилья», «Тоттенхэм», «Атлетико», «Манчестер Юнайтед» ва бошқа бир қатор жамоаларда тўп сурган.
Ўтган мавсум якунларига кўра, «Интер Майами» MLS чемпиони бўлишга муваффақ бўлган.
Насрулло Каримов
Журналист