Расман: Руй Патрисиу 37 ёшли футболчилик фаолиятини якунлади
37 ёшли собиқ Португалия миллий жамоаси дарвозабони Руй Патрисиу фаолиятини якунлади. Бу ҳақда A Bola нашри Португалия футбол федерациясига таянадиган хабар берди. Футболчининг расмий кузатув маросими 12 декабрь куни бўлиб ўтади.
Патрисиу — «Спортинг» клуби тарбияланувчиси. У 2006–2018 йилларда клубнинг асосий жамоасида тўп сурган, шундан сўнг «Вулверхемптон» сафига қўшилган. 2021–2024 йиллар оралиғида дарвозабон «Рома» жамоасида ўйнади. Кейинчалик «Аталанта»га кўчиб ўтган, унинг сўнгги клуби эса БААнинг «Ал Айн» жамоаси бўлди.
Португалия миллий жамоаси сафида Руй Патрисиу 108 та ўйинда иштирок этиб, 2016 йилги Европа чемпионати ҳамда 2019 йилги Миллатлар лигаси ғолиби бўлган. «Рома» билан эса 2021/22 йилги мавсумда Конференциялар Лигасида чемпионликни қўлга киритган.
