Расман: Роналдиньо Италиянинг «Равенна» клуби билан шартнома имзолади
Бразилиялик афсона Роналдиньо Италиянинг “Равенна” клуби билан шартнома имзолади. C Серияда иштирок этувчи клуб расмий баёнот орқали собиқ Бразилия терма жамоаси футболчиси билан келишувга эришилганини маълум қилди. Янги футболчи тақдимоти АҚШнинг Майами шаҳрида бўлиб ўтди.
Аввалроқ Роналдиньо “Равенна” сафида ўртоқлик учрашувида майдонга тушиши, шунингдек, клуб брендининг реклама ва хайрия лойиҳаларида иштирок этиши ҳақида хабарлар тарқалганди.
Роналдиньо фаолияти давомида “Гремио”, “ПСЖ”, “Барселона”, “Милан”, “Фламенго”, “Атлетико Минейро”, “Керетаро” ва “Флуминенсе” каби клублар шарафини ҳимоя қилган.
1999–2013 йиллар давомида у Бразилия терма жамоаси сафида ҳам тўп тепган. Роналдиньо фаолияти давомида кўплаб совринларни қўлга киритган, жумладан, “Олтин тўп” соҳиби ҳам ҳисобланади.