Rasman: Ronaldinyo Italiyaning «Ravenna» klubi bilan shartnoma imzoladi
Braziliyalik afsona Ronaldinyo Italiyaning “Ravenna” klubi bilan shartnoma imzoladi. C Seriyada ishtirok etuvchi klub rasmiy bayonot orqali sobiq Braziliya terma jamoasi futbolchisi bilan kelishuvga erishilganini ma’lum qildi. Yangi futbolchi taqdimoti AQShning Mayami shahrida bo‘lib o‘tdi.
Avvalroq Ronaldinyo “Ravenna” safida o‘rtoqlik uchrashuvida maydonga tushishi, shuningdek, klub brendining reklama va xayriya loyihalarida ishtirok etishi haqida xabarlar tarqalgandi.
Ronaldinyo faoliyati davomida “Gremio”, “PSJ”, “Barselona”, “Milan”, “Flamengo”, “Atletiko Mineyro”, “Keretaro” va “Fluminense” kabi klublar sharafini himoya qilgan.
1999–2013-yillar davomida u Braziliya terma jamoasi safida ham to‘p tepgan. Ronaldinyo faoliyati davomida ko‘plab sovrinlarni qo‘lga kiritgan, jumladan, “Oltin to‘p” sohibi ham hisoblanadi.