Расман: Ромелу Лукаку камтарона трансфер эвазига Туркия лигасига йўл олди
Истанбул гранди Лукаку трансфери орқали ҳужум чизиғини кучайтириб, янги мавсумда Туркия Суперлигаси ва бошқа мусобақаларда чемпионлик учун курашишни мақсад қилган.
photo: gettyimages
Белгиялик ҳужумчи Ромелу Лукаку фаолиятини Туркияда давом эттиради. Туркиянинг "Фенербахче" клуби Италиянинг "Наполи" жамоасидан 33 ёшли форвард трансфер қилинганини расман эълон қилди.
Истанбул гранди Лукаку трансфери орқали ҳужум чизиғини кучайтириб, янги мавсумда Туркия Суперлигаси ва бошқа мусобақаларда чемпионлик учун курашишни мақсад қилган.
Трансфер тафсилотлари ошкор этилмаган бўлса-да, хориж ОАВлари ушбу келишув нисбатан кам маблағ эвазига амалга оширилганини таъкидламоқда.
Лукаку фаолияти давомида "Андерлехт", "Челси", "Эвертон", "Манчестер Юнайтед", "Интер", "Рома" ва "Наполи" каби клубларда тўп сурган. Шунингдек, у Белгия терма жамоаси тарихидаги энг яхши тўпурар ҳисобланади.
Иброҳим Жалолов
Редактор