Расман: Роберто Манчини — «Ал Садд» бош мураббийи
Томонлар ўртасида 2,5 йиллик шартнома имзоланди.
ФОТО: Getty Images
Италиялик мутахассиси Роберто Манчини Қатарнинг «Ал Садд» клуби бош мураббийи этиб тайинланди. Бу ҳақда клуб матбуот хизмати ўзининг X ижтимоий тармоғида хабар берди.
«Роберто Манчини «Ал Садд» билан 2,5 йиллик шартнома имзолади», — дейилади клуб баёнотида.
Ҳозирда «Ал Садд» Қатар чемпионати жадвалида олтинчи ўринда турибди ва 9 та ўйиндан сўнг 14 очко тўплаган. Рақиблар орасида «Ал Ғарафа» 22 очко билан етакчилик қилмоқда.
60 ёшли Манчинининг охирги иш жойи Саудия Арабистони миллий жамоаси бўлган. У аввал Италия терма жамоаси, «Интер» (Италия), «Галатасарай» (Туркия), «Манчестер Сити» (Англия) ва бошқа клубларни бошқарган.
Насрулло Каримов
Журналист