Расман: Робби Кин «Ференцварош»ни тарк этади
Мутахассис «Селтик»ни бошқариши кутилмоқда.
ФОТО: Getty Images
Ирландия терма жамоасининг собиқ ҳужумчиси Робби Кин Венгриянинг «Ференцварош» клуби бош мураббийлигидан кетади. Бу ҳақда talkSPORT нашри хабар бермоқда.
Манбага кўра, Кин ҳозирда Мартин О'Нил бошқариб турган Шотландиянинг «Селтик» клуби бош мураббийлиги учун асосий даъвогарлардан бири бўлиб турибди. Шунингдек, унга Словакиянинг «Слован» жамоаси ҳам қизиқиш билдирмоқда.
Маълумот учун, Робби Кин «Ференцварош» клубини 2025 йилнинг январ ойидан буён бошқариб келаётган эди. Унинг қўл остида жамоа Венгрия чемпиони ва мамлакат Кубоги соҳиби бўлган.
Якунланган мавсумда эса жамоа Венгрия чемпионатида иккинчи ўринни эгаллади. Мураббий бундан олдин Ҳиндистоннинг «ATK» ва Исроилнинг «Маккаби Тель-Авив» клубларида ҳам ишлаган.
Насрулло Каримов
Журналист